सार्थक ब्युरो।सुदूरपश्चिम प्रदेशका मुख्यमन्त्री कमलबहादुर शाहले धार्मिक आस्था र पर्यटन दृष्टिले बडिमालिकालाई भू–स्वर्गको उपमा दिनुभएको छ।
उद्योग, पर्यटन, वन तथा वातावरण मन्त्रालयको २०८१/८२ सालको वार्षिक समीक्षा गोष्ठी उद्घाटन गर्दै उहाँले बडिमालिका क्षेत्रसम्मको आवागमन सहज बनाउन मन्त्रालयलाई निर्देशन दिनुभयो।
मुख्यमन्त्री शाहले हालै बडिमालिका दर्शनका क्रममा दुई व्यक्तिको दुःखद निधन भएको घटनाप्रति गहिरो दुःख व्यक्त गर्दै, राष्ट्रिय तथा अन्तर्राष्ट्रिय स्तरमा चिनिएको यस धार्मिक–पर्यटकीय स्थलसम्म पुग्ने बाटो यसै वर्षभित्र सुधार गर्न प्राविधिक टोली खटाउन आदेश दिनुभयो।
त्यसैगरी उहाँले वन क्षेत्रबाट संकलित काठ बिक्री गर्न बोलपत्र आह्वान गरी लिलाम गर्नुपर्ने र मन्त्रालयका सबै काम टेण्डर प्रणालीमार्फत पारदर्शी रूपमा गर्नुपर्नेमा जोड दिनुभयो। उहाँका अनुसार प्रदेशको वन क्षेत्रमा हाल करोडौं मूल्य बराबरका काठ कुहिँदै खेर गइरहेका छन्।








Discussion about this post