काठमाडौंमा एमाले महाधिवेशन केन्द्रित दुई कार्यक्रम

सार्थक ब्यूरो ।नेकपा एमालेको आसन्न ११औँ महाधिवेशन नजिकिँदै जाँदा राजधानीमा यससम्बन्धी गतिविधि तीव्र बनेका छन्। आज काठमाडौंमा महाधिवेशन केन्द्रित दुई फरक कार्यक्रम सञ्चालन हुने भएका छन्।
दिउँसो २ बजेदेखि प्रेस चौतारी नेपालले आयोजना गरेको विशेष अन्तर्क्रिया कार्यक्रममा पार्टीका सचिव लेखराज भट्ट सहभागी हुने तय गरिएको छ। कार्यक्रममा भट्टले महाधिवेशनका तैयारि र एजेन्डाबारे धारणा राख्नेछन्।
यस्तै, दिउँसो १ बजे होटल हार्दिकमा एमाले उपाध्यक्ष अष्टलक्ष्मी शाक्य र नेतृ बिन्दा पाण्डे सहित महिला नेतृहरूको छुट्टै संवाद कार्यक्रम पनि आयोजना हुँदैछ। उक्त कार्यक्रममा रचना खड्का, उषा किरण तिम्सिना लगायतले नेतृत्व चयन र महाधिवेशनको विषयमा विचार साझा गर्नेछन्।