एमाले पदाधिकारी निर्वाचनको अन्तिम मतपरिणाम सार्वजनिक

सार्थक ब्यूरो ।नेकपा एमालेको पदाधिकारी निर्वाचनको अन्तिम मतपरिणाम सार्वजनिक भएको छ। कुल २ हजार २२७ मत खसेको निर्वाचनमा अध्यक्षदेखि सचिवसम्मका पदका उम्मेदवारहरूको मतगणना सम्पन्न भएको हो।
अध्यक्ष पदमा केपी शर्मा ओलीले १ हजार ६६३ मत प्राप्त गर्दै विजयी भएका छन्। उनका प्रतिस्पर्धी ईश्वर पोखरेलले ५६४ मत पाए।
उपाध्यक्ष पदतर्फ पृथ्वी सुव्वा गुरुङले १ हजार ७३७ मत प्राप्त गर्दै अग्रता कायम गरेका छन्। विष्णु प्रसाद पौडेलले १ हजार ६७५, रामबहादुर थापा ‘बादल’ले १ हजार ५१६, गोकर्णराज विष्टले १ हजार ३६८ र रघुजी पन्तले १ हजार २५८ मत प्राप्त गरेका छन्। यस्तै गुरु प्रसाद बरालले १ हजार १३७, बिन्दा पाण्डेले ९२१, पर्शुराम मेघी गुरुङले ४६१, अरुण नेपालले ४३९, टंक प्रसाद कार्कीले ३५८ र भीम प्रसाद आचार्यले २६५ मत पाएका छन्।
महासचिव पदमा शंकर पोखरेलले १ हजार २२८ मत ल्याउँदै विजयी भएका छन् भने उनका प्रतिस्पर्धी सुरेन्द्र प्रसाद पाण्डेले ९९९ मत प्राप्त गरेका छन्।
उपमहासचिव पदमा लेखराज भट्टले सबैभन्दा बढी १ हजार ४५२ मत पाएका छन्। रघुवीर महासेठले १ हजार ३६८, योगेश भट्टराईले १ हजार ३४८, विष्णु प्रसाद रिमालले १ हजार ९१, आनन्द प्रसाद पोखरेलले ६३५, वैजनाथ चौधरीले ५१७ र राजेन्द्र प्रसाद गौतमले २७० मत प्राप्त गरेका छन्।
सचिव पदतर्फ महेश बस्नेतले १ हजार ५३४ मत ल्याएका छन्। पद्मा कुमारी अर्यालले १ हजार ५३०, छविलाल विश्वकर्माले १ हजार ५०६, शेरधन राईले १ हजार ५०३, हिक्मत कुमार कार्कीले १ हजार ३३७, खगराज अधिकारीले १ हजार ३३१, भानुभक्त ढकालले १ हजार १०८, गोकुल प्रसाद बास्कोटाले १ हजार ३०, यमलाल कडेलले १ हजार १८५ र राजन भट्टराईले १ हजार १८१ मत प्राप्त गरेका छन्। अन्य उम्मेदवारहरूले पनि उल्लेख्य मत प्राप्त गरेका छन्।
एमालेले नयाँ नेतृत्व चयनसँगै आगामी राजनीतिक कार्यदिशा तय गर्ने तयारी अघि बढाएको जनाएको छ।