सार्थक ब्यूरो ।जेनजी आन्दोलनका क्रममा तोडफोड र आगजनीबाट क्षतिग्रस्त भएको कञ्चनपुरको एमाले पार्टी कार्यालयमा अहिले सरसफाई सुरु गरिएको छ।भदौ २४ गतेको आन्दोलनमा भीमदत्त नगरपालिका–४ स्थित दुई तले पार्टी कार्यालयमा पटक–पटक आगजनी र तोडफोड गरिएकाले कार्यालयमा व्यापक क्षति भएको थियो। कार्यालयभित्र रहेका दराज, टेबल, कुर्सी, कागजातलगायत सामग्री जलाइएका थिए। शनिबारदेखि एमाले जिल्ला कमिटी, भीमदत्त नगर कमिटी र विभिन्न जनसंगठनका नेता–कार्यकर्ता मिलेर सरसफाई र मर्मत कार्य सुरु गरेका छन्।आन्दोलनकारीहरूले पार्टी कार्यालय मात्र होइन, एमाले नेताहरूको निजी घरहरूमा समेत आगजनी र तोडफोड गरेका थिए।
एमाले कञ्चनपुर इन्चार्ज निरुदेवी पालको महेन्द्रनगर बजार मेनरोड र बाँसखेडास्थित दुवै घर,पूर्व मुख्यमन्त्री तथा एमाले पोलिटब्युरो सदस्य राजेन्द्रसिंह रावलको घर, भीमदत्त नगरपालिकाका पूर्व मेयर सुरेन्द्र विष्टको घर सबैमा आगजनी र तोडफोड भएको थियो।यी घटनाबाट एमाले नेताहरूको निजी घरमा समेत ठूलो क्षति पुगेको बताइएको छ।








Discussion about this post