सार्थक ब्युरो। सरकारले लागू गर्न लागेको ईम्बोस्ड नम्बर प्लेट बारे सर्वत्र प्रश्न उठ्न थालेको छ। यो प्रणाली आवश्यक नभएको र यसले नेपाली भाषाको समेत लोप हुने खतरा बढाएको विज्ञहरूको भनाइ छ।
जानकारहरूका अनुसार, ईम्बोस्ड नम्बर प्लेटमा अंग्रेजी अंक र अक्षर मात्र प्रयोग हुने भएकाले नेपाली भाषाको प्रयोग हराउँदै जाने चिन्ता छ। सार्वजनिक सरोकारका विषयमा नेपाली भाषा प्रयोग गर्नुपर्ने संवैधानिक प्रावधान विपरीत सरकारले विदेशी शैलीको प्लेट अनिवार्य बनाएको भन्दै आपत्ति जनाइएको छ।
यस्तै, सरकारले यसलाई आयस्रोतको माध्यम बनाएको आरोप पनि लागेको छ। एक डेढ सय भारतीय रुपैयाँमा सजिलै उपलब्ध हुने प्लेटलाई नेपालमा करिब तीन हजार रुपैयाँमा बिक्री गर्न लागिएको तथ्य बाहिर आएपछि यो मूल्य निर्धारणमाथि प्रश्न उठेको छ।
यातायात व्यवस्था विभागले भने यो प्रणालीलाई आधुनिक प्रविधि भित्र्याउन, सवारीसाधनको दर्ता व्यवस्थित गर्न र सुरक्षाको दृष्टिकोणले आवश्यक रहेको दाबी गर्दै आएको छ। तर, मूल्य अस्वाभाविक रूपमा महँगो हुनु र भाषाको प्रयोगबारे असंवेदनशीलता देखिनु, दुबै पक्षले आलोचनाको मुख्य कारण बनेका छन्।
हाल यसबारे थप बहस जारी रहेको छ र सरोकारवालाहरूले सरकारले मूल्य र भाषासम्बन्धी प्रश्नलाई सम्बोधन नगरेसम्म ईम्बोस्ड नम्बर प्लेट प्रणाली विवादमै रहने चेतावनी दिएका छन्।








Discussion about this post