कैलालीबाट एमालेका २६ महाधिवेशन प्रतिनिधि अंतिम

सार्थक ब्यूरो ।नेकपा (एमाले) को ११औँ राष्ट्रिय महाधिवेशनका लागि कैलालीबाट २६ जना प्रतिनिधि चयन भएका छन्। पाँच वटा प्रतिनिधि सभा क्षेत्र भएको यो जिल्लाबाट १४ पुरुष र १२ महिला गरी कुल २६ प्रतिनिधि मनोनयन भएका हुन्। क्षेत्र नम्बर १, ४ र ५ मा निर्वाचनमार्फत प्रतिनिधि चुन्नुपरेको थियो भने क्षेत्र नम्बर २, ३ तथा दलित क्षेत्रका प्रतिनिधि सर्वसम्मत रूपमा चयन भए।
शनिबार सम्पन्न मतदानमा कैलाली–१ बाट खुला सदस्यतर्फ द्वारिकाप्रसाद न्यौपाने र ध्रुवराज खत्री, महिलातर्फ कमला शाही चौधरी तथा युवा तर्फ लक्ष्मी आचार्य विजयी बने।
क्षेत्र नम्बर २ मा सबै पदाधिकारी बिना प्रतिस्पर्धा चयन भए। कर्णबहादुर कुँवर, डेजी पाण्डे, नरबहादुर खड्का, महिलातर्फ ममता रावल र लक्ष्मी शाही, र युवातर्फ पवित्राकुमारी माझी सर्वसम्मत रूपमा प्रतिनिधि बने।
क्षेत्र नम्बर ३ बाट चुल्लुराम चौधरी, करुणा बम, इच्छा चौधरी (महिला) र युवा कोटाबाट राजबहादुर बुढा छानिए।
क्षेत्र नम्बर ४ मा भएको मतदानले चक्रबहादुर बोहरा, नरबहादुर तामाङ, भीमबहादुर देउवा, महिलातर्फ रत्ना कुँवर जोशी र शान्तिदेवी सिंह तथा युवा तर्फ सुद्धिराम चौधरीलाई प्रतिनिधि बनायो।
यस्तै, क्षेत्र नम्बर ५ को निर्वाचनबाट धर्मराज पाठक, नेपालु चौधरी, विष्णुकुमार चन्द, यज्ञराज ढुङ्गाना, महिलातर्फ अम्बिका विष्ट मल्ल र रुक्मिणी देवकोटा तथा युवातर्फ तिर्थराज भट्टराई निर्वाचित भए।
यसैगरी, जिल्लाभित्रको दलित क्षेत्रका लागि भानसिंह विक, प्रेम भूल र सावित्रा घिमिरे महाधिवेशन प्रतिनिधि चयन गरिएको जिल्ला सचिव ममताप्रसाद चौधरीले जानकारी दिए।
एमाले कैलालीमा हाल १३ हजार ३६० जना संगठित सदस्य रहेको पनि सचिव चौधरीले बताए।