सार्थक ब्यूरो।बैतडीको दशरथचन्द नगरपालिका–२ देहीमाण्डौंस्थित प्रसिद्ध निङ्गलाशैनी भगवती मन्दिरमा यस वर्षको महाष्टमीमा ४ सयभन्दा बढी पशु बलि दिइएको छ।मन्दिरका भण्डारे चक्रबहादुर बोहराका अनुसार मंगलबार लागेको जात्रामा २६० राँगा र करिब १५० वटा बोका बलि चढाइएका हुन्। घटस्थापनादेखि नै नित्य पूजा हुँदै आएको यस मन्दिरमा हिजोदेखि सुरु भएको जात्रा आज बलिप्रदानसँगै सम्पन्न भएको हो।
यहाँ प्रत्येक वर्ष महासप्तमीका दिन बलिका लागि राँगा बाँध्ने र महाष्टमीमा बलि दिने परम्परा रहिआएको छ। नवरात्रको अवसरमा लाग्ने यो जात्रामा हजारौँ भक्तजन देवीको दर्शन र पूजाआराधनाका लागि उपस्थित हुने गर्दछन्।








Discussion about this post